Միրզոյանն ու Բայրամովը խաղաղության պայմանագրի մի քանի հոդվածի շուրջ համաձայնության են եկել

Արտգործնախարարներն ու նրանց թիմերը Վաշինգտոնում շարունակել են առաջընթացը «Խաղաղության և միջպետական հարաբերությունների հաստատման մասին» երկկողմ համաձայնագրի նախագծի շուրջ. հայտնում են ՀՀ ԱԳՆ-ից։

Նրանք համաձայնության են հասել համաձայնագրի նախագծի ևս մի քանի հոդվածների շուրջ և գրանցել փոխըմբռնման առաջընթաց՝ միևնույն ժամանակ արձանագրելով, որ մի քանի առանցքային հարցերի շուրջ դիրքորոշումները պահանջում են հետագա աշխատանք:

Նշենք, որ ինչպես հայտնել է պետքարտուղար Բլինքենը, առաջիկա շաբաթներին երկու երկրների արտգործնախարարների հանդիպումը կկազմակերպեն Եվրամիության ներկայացուցիչները։