Հակառակ Արդարադատության միջազգային դատարանի՝ փետրվարի 22-ի և հուլիսի 6-ի որոշումներին՝ Ադրբեջանը շարունակում է փակ պահել Լաչինի միջանցքը։ Մենք շարունակաբար ահազանգում ենք, որ Ադրբեջանի գործողությունների հիմքում դրված է Լեռնային Ղարաբաղն էթնիկ զտումների ենթարկելու բացահայտ քաղաքականությունը. Բելգիայի արտգործնախարար Հաջա Լահբիբի հետ համատեղ մամլո ասուլիսի ժամանակ ասաց Հայաստանի արտաքին գործերի նախարար Արարատ Միրզոյանը։
Նա բելգիացի գործընկերոջը ներկայացրել է, որ Ադրբեջանը պարբերաբար խախտում է զինադադարը թե՛ Հայաստանի Հանրապետության, թե՛ Արցախի Հանրապետության տարածքներում և կրակ բացում հայկական դիրքերի ուղղությամբ։
Ադրբեջանը շարունակաբար խախտում է նոյեմբերի 9-ի համաձայնագրի բոլոր կետերը, չի կատարում ռազմագերիներին վերադարձնելու իր պարտավարությունները և այսօր պատանդառության մեջ է պահում 120 հազար հայի։
«Կարծում ենք, որ այս գործելաոճով Ադրբեջանը մարտահրավեր է նետում տարածաշրջանում իրական կայունության ու խաղաղության վերահաստատմանն ուղղված՝ միջազգային հանրության և ՀՀ ջանքերին։ Ակնկալում ենք, որ մեր միջազգային գործընկերները քաղաքական կամք կդրսևորեն՝ ձեռնարկելու գործուն քայլեր Ադրբեջանի հակամարդկային, ռազմատենչ գործելաոճը փոխելու ուղղությամբ»,- դիմելով Բելգիայի արտգործնախարարին՝ ասաց Արարատ Միրզոյանը։
