Բարձր մակարդակով հանդիպում է լինելու Բրյուսելում, այնուհետեւ այդ հանդիպումը շարունակվելու է Քիշնեւում, որին միանալու են նաեւ Ֆրանսիայի նախագահ Մակրոնը եւ Գերմանիայի կանցլեր Շոլցը. մայիսի 14-ին Բրյուսելում կայանալիք հանդիպման վերաբերյալ հայտնել է Անվտանգության խորհրդի քարտուղար Արմեն Գրիգորյանը։
Հայկական կողմը նշել է, որ վաշինգտոնյան հանդիպումների արդյունքում կան տարաձայնություններ, թեև ամերիկյան կողմը նշել էր առաջընթացի մասին։
Խոսելով տարաձայնությունների մասին,՝Արմեն Գրիգորյանն ասել է. «Բնականաբար, ադրբեջանցիները պետք է դուրս գան Հայաստանի ինքնիշխան տարածքից, դա պարտադիր է: Խաղաղության պայմանագրի ստորագրումը հնարավոր է այդ պայմաններում: Ինչ վերաբերում է միջազգային երաշխավորների ինստիտուտին, բանակցություններն ընթանում են, եւ եթե լուծում գտնենք, ապա առաջ կշարժվենք: Այս պահին վերջնական լուծում չկա»:
