Շատերը բնազդային մակարդակով հասականում են, որ ռուսները թեև լավագույն դաշնակիցները չեն, բայց կարող են ամենավատ թշնամիները լինել։ Եթե 2022 թվականի կեսերին թվում էր, թե նրանք քայքայվելու են, այժմ լրիվ այլ ուժ են ցույց տալիս, այն է՝ եթե աշխարհն իրենց ընդունի որպես հաղթող, ամբողջ սպեկտրով կվերադառնան աշխարհաքաղաքական կենտրոնների շարք, այսօր տեղի ունեցած քննարկման ժամանակ այս մասին ասաց քաղտեխնոլոգ Վիգեն Հակոբյանը։
«Իսկ Հայաստանն, ամեն դեպքում, Արևելքի մենթալիտետ ունի. Արևելքում հասկանում են ուժը։ Այժմ այդ թրենդը փոխվում է, մարդիկ հասկանում են, որ ռուսների հետ վտանգավոր է կարմիր գծեր անցնել։
Ինչ վերաբերում է Ֆրանսիային, ապա Հայաստանը մի փոքր կանացի բնավորություն ունի. ականջներով է սիրում։ Ինչ-որ պահի Իրանն է, ինչ-որ պահի Ֆրանսիան է թրենդի մեջ։ Իրենք գիտեն՝ ինչ կոճակներ սեղմեն, որպեսզի հասարակության սիրտը շահեն և քաղաքական պրոցեսներ մեկնարկեն։
Օրինակ՝ եթե հայ հասարակությունը սիրում է ճոխ թաղումներ, հանկարծ Միսաք Մանուշյանին հիշում և տանում են, Ֆրանսիայի ամենապատվավոր քաղաքացիների հետ նույն վայրում ամփոփում։
Սա բնական տեխնոլոգի է. խելոք պետություններն ու իշխանությունները հենց այսպես են վարվում. այն, ինչ մեզ մոտ ընդհնարապես չկա՝ ո՛չ ստարատեգիական պլանավորում, ո՛չ տակտիկական մտածողություն, ոչ մի բան»,- եզրափակեց քաղտեխնոլոգը։
