Կստեղծվի ԱՊՀ անդամ-երկրների տարածական տվյալների միասնական հարթակ
ՌԴ նախագահ Վլադիմիր Պուտինը հաստատել է ԱՊՀ անդամ երկրների տարածական տվյալների վերաբերյալ հարթակ ստեղծելու մասին հանձնարարականը։ Այդ մասին հաղորդում է Կրեմլի կայքը։
Տարածված հաղորդագրության մեջ նշվում է, որ կառավարությանը պետք է ապահովել քարտեզագրության, տեղագրության, տարածական ու երկրաբանական տվյալների, Երկիր մոլորակի հեռավար զոնդավորման ծրագրերի, անշարժ գույքի գրանցման վերաբերյալ ծրագրերի մշակմամբ։
Հաղորդվում է նաև, որ կառավարությունը պետք է կարողանա օգտագործել դաշնային պետական ինֆորմացիոն համակարգի՝ «Միասնական թվային հարթակ»-ի տվյալները։
Նշվում է նաև, որ «Ռոսկադաստր»-ը իր կիջազգային գործունեության իրավասության շրջանակում աշխատանքներ է տանում՝ հարթակի ստեծման ուղղությամբ։
Ինչպես նշված է հաղորդագրության մեջ, ՌԴ ֆինանսների նախարարությանը հանձնարարվել է ֆինանսական միջոցներ տրամադրել ՝ 2023-25թթ․ հարթակի ստեղծման համար։
