Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան մեկնաբանել է Սերգեյ Լավրովի՝ Երևան այցի նախօրեին Կիևյան կամրջի վրա հակառուսական պաստառ տեղադրելու հանգամանքները։
Այսօրվա ճեպազրույցի ժամանակ Զախարովան մեղադրել է ԱՄՆ դեսպանատանը։
«Հայաստանում ԱՄՆ դեսպանատանը աշխատում է մոտ 2000 մարդ։ Հնարավոր է՝ որոշ մարդիկ դեռ չեն սպառել USAID-ի միջոցով փոխանցվող գումարը, ուստի նրանք գումար են ծախսում նման նախագծերի վրա: ԱՄՆ դեսպանատունը դեռ չի հասկացել, որ պետք է կենտրոնանա ռուս-ամերիկյան հարաբերությունների ամրապնդման, այլ ոչ թե ռուս-հայկական հարաբերությունների խաթարման վրա»:
Նրա խոսքով՝ նման գործողությունները վճարվում և խրախուսվում են աշխարհի շատ երկրներում։
«Միևնույն ժամանակ, Ռուսաստանը Հայաստանի հետ ունի լայն օրակարգ բոլոր ուղղություններով։ Եվ այն փաստը, որ փոքրամասնություններից շատերին դա դուր չի գալիս, հայտնի է նաև ռուսական կողմին։ Այս իրավիճակում Մոսկվան կենտրոնանում է կառուցողական և դրական օրակարգի վրա», – հավելել է Զախարովան։
Ինչպես հայտնել ենք, մայիսի 21-22-ը Ռուսաստանի արտաքին գործերի նախարար Սերգեյ Լավրովը աշխատանքային այցով կժամանի Երևան։
Նրա այցի նախօրեին Երևանի Կիևյան կամրջից կախվել է Ռուսաստանի նախագահ Վլադիմիր Պուտինի պատկերով և «Մարդասպան» գրությամբ պաստառ։
