Արցախի նախկին պետնախարար Ռուբեն Վարդանյանն «Ամերիաբանկ» ՓԲԸ-ի բաժնետեր է, հետևապես բանկը պետք է վաճառվի նրա թույլտվությամբ և մասնակցությամբ։ Բայց Վարդանյանն այս պահին Բաքվի բանտում է. ուրեմն ինչպե՞ս է գործարքներ կատարում։ Սա մեկ։ Երկրորդ. ենթադրում եմ, որ Ռուբեն Վարդանյանը, ով մի շարք կարևոր ֆուկցիաներ ուներ Ռուսաստանի համար (ցնցել հայկական պետության կյանքը), չի կարողացել իրականացնել դրանք, և այժմ ունեզրկվում է։ Azg.am-ի թղթակցի հետ զրույցում նման տեսակետ հայտնեց քաղաքագետ Հայկ Սուքիասյանը՝ անդրադառնալով Bank of Georgia Group PLC-ի կողմից «Ամերիաբանկ»-ը ձեռք բերելու համաձայնությանը։
«Ենթադրում եմ՝ այստեղ Ռուսաստանի մատը խառն է. Ռուբեն Վարդանյանին ունեզրկում են։ Ունեզրկում են ոչ միայն նրան, այլև Հայաստանի Հանրապետության տնտեսությունը, որը ոչ այնքան լավ վիճակում է։
Եթե Ռուբեն Վարդանյանին թողնեին, 40 հազար տարի էլ ապրեր՝ այդ բանկը չէր վաճառի։ Հետևապես, ինչպես ասում են, տակն ուրիշ բան կա»,- ասաց Հայկ Սուքիասյանը։
Ճշգրտմանը՝ հակվա՞ծ է կարծելու, որ բանկային խոշոր գործարքը կարագացնի Ռուբեն Վարդանյանի՝ գերությունից ազատարձակման գործընթացը, քաղաքագետը պատասխանեց՝ դժվարանում է ասել՝ արդյոք Վարդանյանն առհասարակ ազատ կարձակվի՞ ադրբեջանական գերությունից։
«Խիստ կասկածում եմ, որ ԱՀ նախկին պետնախարարն ազատ կարձակվի, որովհետև պետք է հասկանանք՝ ինչպե՞ս ստացվեց, որ այդ մարդը հայտնվեց Բաքվի բանտում։ Չէի՞ն կարող այնպես անել, որ չհայտնվեր. հաստատ կարող էին, առավել ևս, որ նա շատ նվիրված էր Ռուսաստանին։
Պարզապես կան մարդիկ, որոնք Ռուսաստանի և Հայաստանի քաղաքական պատմությունը լավ չգիտեն։ Եթե պատմությունը նայեք, կտեսնեք, որ բոլոր նրանք, ովքեր մինչև 1937 թվականը ծառայել են Ռուսաստանին, գնդակահարվել են։ Հայ բոլոր բոլշևիկները, որոնք, հանուն Ռուսաստանի, գործել են սեփական պետության դեմ, Ռուսաստանի կողմից տարբեր տեղերում տարբեր ձևերով սպանվել են։
Դրա համար չեմ կարծում, որ շատ հակված են բանտից ազատ արձակելու Ռուբեն Վարդանյանին։ Հավանաբար ստիպել են, որ շատ էժան գնով վաճառի բանկը»,-ամփոփեց Հայկ Սուքիասյանը։
Հիշեցնենք, որ Bank of Georgia Group PLC-ն համաձայնություն է ձեռք բերել հայկական Ամերիաբանկը մոտ 303,6 մլն դոլարով գնելու վերաբերյալ, ասվում է Bank of Georgia Group-ի հաղորդագրության մեջ։
Գործարքից հետո բանկի բաժնետոմսերի 10%-ը կշարունակի պատկանել Վերակառուցման և զարգացման եվրոպական բանկին։
Հիշեցնենք, որ «Ամերիաբանկ» ՓԲԸ-ն BOGG PLC-ն («ԲիՕՋիՋի» բաց բաժնետիրական ընկերությունը համաձայնություն են ձեռք բերել Միացյալ Թագավորությունում (ՄԹ) գրանցված BOGG միջազգային ֆինանսական խմբում Ամերիաբանկի ինքնուրույն լիիրավ անդամ դառնալու շուրջ: Գործարքի համաձայն` Խումբը կդառնա Ամերիաբանկի հիմնական բաժնետեր: Բանկում իր բաժնեմասնակցությունը 10%-ի չափով կպահպանի նաև Վերակառուցման և Զարգացման Եվրոպական Բանկը (ՎԶԵԲ)։
