Արցախցին չի պատրաստվում Ադրբեջանի կազմում թողնել իր հողը, և վերջ. ով ինչ ուզում է՝ թող հայտարարի. արցախցի

Եթե Արցախում թեկուզ հազար մարդ ուզում է մնալ Ադրբեջանի կազմում և պատկերացնում է իր համակեցությունն ադրբեջանցիների հետ, արցախահայության ճնշող մեծամասնությունը նման բան չի ուզում և նման զարգացումների պատրաստ չէ, Azg.am-ի թղթակցի հետ զրույցում ասաց Արցախի «Մայրություն» ՀԿ-ի նախագահ Հասմիկ Միքայելյանը։

Անդրադառնալով ՀՀ վարչապետ Նիկոլ Փաշինյանի արտահայտած այն մտքին, թե «Մենք չենք պատրաստվում որևէ կերպ Ադրբեջանին ԼՂ-ում էթնիկ զտումներ կամ ցեղասպանություն իրականացնելու մանդատ տալ», մեր զրուցակիցը նկատեց.

«Նիկոլ Փաշինյանը, ներողություն… пошел он к чертовой матери: Ինքը մեզ հետ գործ չունի, գործ չունի։ Դա իմ և շատ-շատ արցախցիների կարծիքն է։ Ինքն Արցախը չի ղեկավարում, մենք իրեն չենք ընտրել։

Մենք ունենք մեր ղեկավարությունը, ունենք մեր որոշումը, որ ամեն օր հայտարարում ենք։ Пошел он куда хочет:

Արցախցին չի պատրաստվում Ադրբեջանի կազմում թողնել իր հողը, և վերջ։ Ով ինչ ուզում է՝ թող հայտարարի, որտեղ ուզում է՝ թող հայտարարի։ Եթե անգամ Նիկոլ Փաշինյանը ինչ-որ փաստաթուղթ ստորագրի, արցախցին չի ընդունելու այդ ստորագրությունը, և մեր քայլերը լինելու են նույնը, ինչ միշտ են եղել»,- ասաց Հասմիկ Միքայելյանը:

Հարցին՝ հնարավոր համարո՞ւմ է, որ Արցախում ազգային-ազատագրական նոր պայքարի կամ  դիմադրության օջախի ձևավորվի, հասմիկ Միքայելյանը պատասխանեց՝ հանգամանքների բերումով ամեն ինչ էլ կարող է լինել։