Հայաստանն այժմ ծանր վիճակում է, եւ իրավիճակն Ուկրաինայում դրա հետ որեւէ կապ չունի։ Այս մասին NEWS.am-ի թղթակցի հետ զրույցում ասաց ռուս քաղաքագետ, Մերձավոր Արեւելքի եւ Կովկասի հիմնախնդիրների փորձագետ Ստանիսլավ Տարասովը՝ մեկնաբանելով ՀՀ վարչապետ Նիկոլ Փաշինյանի՝ Մոսկվա այցի նշանակությունը Կրեմլի համար, հատկապես՝ Ռուսաստանի Դաշնության միջազգային մեկուսացման համատեքստում։
Նա, մասնավորապես, հիշեցրեց Նիկոլ Փաշինյանի եւ Ադրբեջանի նախագահ Իլհամ Ալիեւի հանդիպումը Բրյուսելում։ Այնտեղ, ըստ փորձագետի, կրկին «երկակի ստանդարտների» խաղն էր տարվում:
«Հանդիպումից հետո եզրափակիչ հայտարարության մեջ Ռուսաստանի մասին խոսք չկար։ Ընդ որում, ԵԱՀԿ Մինսկի խումբը քայքայված վիճակում է։ Իսկ պաշտոնական Երեւանը հենց այդ խաղն է խաղում: Եւ պարզ չէ, թե ով է գրել այդ խաղի սցենարը։ Հայտնի էր Մոսկվայում Արարատ Միրզոյանի եւ Սերգեյ Լավրովի հանդիպման մասին։ Այն տեղի ունեցավ նախօրեին եւ բավականին լարված էր: Կարծում եմ, որ ՀՀ վարչապետ Նիկոլ Փաշինյանի եւ ՌԴ նախագահ Վլադիմիր Պուտինի առաջիկա երկխոսությունը բարդ է լինելու»,- ասել է Տարասովը։
News.am
