Դատարանը կայացրեց վճիռը՝ Հանրապետության հրապարակում ադրբեջաներեն «Ղարաբաղ» երգած օտարերկրացիների տեսանյութը հրապարակած արցախցի 70-ամյա գիտնական Ղարիբ Բաբայանը չի կալանավորվի։
Դատարանը նրան կալանավորելու՝ քննիչի միջնորդությունը մերժեց. կիրառվելու է վարչական հսկողություն. հայտնեց փաստաբանը։
Բաբայանի պաշտպանը փաստաբան Աբգար Պողոսյանն է, իսկ քննիչը, որը կալանավորելու միջնորդություն էր ներկայացրել, Գարիկ Մարկոսյանն է, որը կալանքի էր տարել լուսահոգի Արմեն Գրիգորյանին։
Աջափնյակի դատարանի մոտ արդեն մի քանի ժամ հավաքված հանրությունը ցնծությամբ է արձագանքել բարի լուրին։
Վարորդներն ազդանշանով են արձագանքել ու բացել փակ փողոցները։
Տեսանյութ է տարածել նաև ԱԻՄ առաջնորդ Պարույր Հայրիկյանը։
Նշենք, որ ԱԱԾ-ն և ՔԿ-ն հայտարարություններ են տարածել. «Ատելություն, խտրականություն, անհանդուրժողականություն և թշնամանք հրահրելուն և քարոզելուն ուղղված հրապարակային խոսքի, ինչպես նաև այդ նպատակով նյութեր տարածելու դեպքի առթիվ ՀՀ ազգային անվտանգության ծառայության կողմից ներկայացված հանցագործության մասին պատշաճ հաղորդման հիման վրա 2025 թվականի հունվարի 31-ին ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում նախաձեռնվել է քրեական վարույթ»։
Հետևեք մեզ նաև Տելեգրամում։
