Մետրոպոլիտենի ղեկավարությունը փորձում է ամեն կերպ «արդարանալ»՝ պատճառաբանության նոր թիրախներ ընտրելով, թե ինչու են կայարաններում հերթեր գոյանում։
Քաղաքային իշխանությունների սխալ կամ, ամենայն հավանականությամբ, միտումնավոր քայլերի պատասխանը իբր տվել է Մետրոպոլիտենի մամուլի քարտուղար Աննա Ասլանյանը։
Նա զավեշտալի, անտրամաբանական օրինակներ է բերել.«Մետրոյի ծանրաբեռնվածություն կարող է հանդիպել նաև աշխարհի ամենազարգացած ենթակառուցվածքներ ունեցող երկրներում, օրինակ՝ Ճապոնիայում, որտեղ մետրոյի կայարաններում հերթապահում են, այպես կոչված, «տափանորդները»․ նրանք ամրակազմ տղամարդիկ են, ովքեր պիկ ժամին գնացքի մեջ չտեղավորվող ուղևորներին հրելով տեղավորում են»:
Իր ղեկավարների անգործությունը, կասկածելի քաղաքականությունը կոծկելու համար այսպիսի «պատճառաբանությո՞ւն» բերել, թե աշխարհի շատ քաղաքաներում մետրոն ծանրաբեռնված է աշխատում. որտե՞ղ. 15 միլիոն բնակչություն ունեցող Տոկիոյո՞ւմ։ Ա՞յդ քաղաքի օրինակն է բերել ու համեմատում է 1.2 միլիոն բնակչություն ունեցող Երևանի հետ։
Մինչև Տիգրան Ավինյանի հրահանգը, թե՝ մետրոյի ուղևորները պետք է ոչ թե ժետոնով, այլ Telcell-ի սարքերից օգտվեն, այսպիսի հերթեր ու կուտակումներ չկային։ Մետրոն աշխատում էր իր հունով։
Ամեն ինչ փչացավ, անհարմարություններն սկսվեցին, երբ քաղաքային իշխանությունը որոշեց ժետոնից անցնել մենաշնորհի կարգավիճակ ստացած Telcell-ին։
«Լուրջ» պաշտոններ եք զբաղեցնում, բայց ի վիճակի չեք տրամաբանական, խելամիտ, արդարացված պատճառաբանություններ գտնել։ Թե բա՝ 15 միլիոնանոց Տոկիոյում էլ է մետրոն ծանրաբեռնված աշխատում։
Ամո՛թ է, ուղղակի ամո՛թ…
