Այսօր Հայրենիքի փրկության շարժման կողմից կազմակերպված երթի ընթացքում լրագրողների հետ ճեպազրույցի ժամանակ Վազգեն Մանուկյանին հարց տրվեց նաև իր դեմ հարուցված քրեական գործի մասին և Անդրանիկ Քոչարյանի այն հայտարարության թե՝ «եթե մտածում են շենքեր գրավելու մասին, թող նաև մտածեն, որ շենքերը գտնվում են պետական պահպանության տակ, իսկ դա նշանակում է, որ պետությունը մոնոպոլ իրավունք ունի կրակելու»:
«Իշխանությունը պահելու համար ինքը մտածում է այդ քայլին գնալ, բայց չի կարողանա ու չի համարձակվի»,- ասաց Վազգեն Մանուկյանը:
Իսկ Վազգեն Մանուկյանի հայտարարությունների առնչությամբ հարուցված քրեական գործի վերաբերյալ լրագրողի հարցին ի պատասխան՝ Վազգեն Մանուկյանը նշեց. «Գործ է, հարուցել են, ի՞նչ է եղել, որ։ Առաջին անգամը չի՝ նման գործեր են հարուցում»: Մեկ այլ լրագրողի՝ նույն գործի վերաբերյալ հարցին էլ, թե ըստ ձեզ՝ դուք նման հրապարակային կոչ արե՞լ եք, պատասխանեց. «Դուք հանրահավաքի ժամանակ լսել եք իմ խոսքը. ամեն մեկդ մեկնաբանեք և բացատրեք այնպես, ինչպես դուք եք մտածում»:
⚡️Լրագրողի մյուս հարցին էլ, թե նշել եք Ա և Բ պլանների մասին, անցումը որտե՞ղ է երևալու, Վազգեն Մանուկյանը արձագանքեց. «Կյանքը ցույց կտա»:
