Արցախի նախագահ Սամվել Շահրամանյանին Հակակոռուպցիոն կոմիտեն հարցաքննության է հրավիրել։
Այս մասին Լրագրողների հետ զրույցում հայտնել է փաստաբան Ռոման Երիցյանը:
«Հարցաքննության ծանուցագիր է ներկայացվել, բայց ոչ իր կողմից կատարված արարքի կասկածի հիման վրա, այլ Արցախում որոշակի գումարներ անհետանալու, մեքենաներ յուրացնելու վերաբերյալ։ Շահրամանյանն այդ ամենի վերաբերյալ հաղորդում է ներկայացրել Քննչական կոմիտե։ Իր կողմից ներկայացված հաղորդման հիման վրա նրան հրավիրել են համապատասխան պարզաբանումներ տալու համար։ Այսինքն ոչ թե նրա համար, որ Սամվել Շահրամանյանը կասկածվում է հանցագործության մեջ, այլ ընդամենը այն բանի համար, որ նա ներկայացրել է հաղորդում:
Առաջին դեպքը չէ, որ Շահրամանյանին հրավիրել են հարցաքննության, մոտ մեկուկես ամիս առաջ էլ է նա հրավիրվել քննչական կոմիտե, մասնակցել՝ հարցաքննության»,- ասաց փաստաբանը։
