Ուկրաինայի Սումիի մարզում ռուսական տեխնիկայի համար կանաչ միջանցք է ստեղծվել։ Այս մասին հայտարարել է Սումիի մարզային պետական վարչակազմի ղեկավար Դմիտրի Ժիվիցկին, գրում է korrespondent.net-ը։
Ռուսական մեքենաների շարասյունը Օսոևկայից ուղևորվում էր Կրասնոպոլ։ Կանաչ միջանցք ստեղծելու որոշումը կայացրել է Ուկրաինայի նախագահ Վլադիմիր Զելենսկին:
«Կանաչ միջանցք Օսոևկայից եկող թշնամու տեխնիկայի համար։ Այնտեղ պատանդներ են՝ մեր գերիները։ Շարասյունն ուղևորվում է գերիներին փոխանակելու։ Կանաչ միջանցքը կազմակերպվել է Ուկրաինայի նախագահի հրամանով», – ասել է Ժիվիցկին։
Ռուսական գերությունից վերադարձած հինգ զինվորները փոխանակվել են ռուս սպայի հետ։
