Ռուսական զորքերը հրթիռային հարձակում են գործել Ուկրաինայի ցամաքային զորքերի ուսումնական ստորաբաժանման վրա։ Ժամը 12:50-ի դրությամբ զոհվել է առնվազն 12 մարդ, վիրավորվել՝ ավելի քան 60-ը. հայտնում է «Ուկրաինսկայա պրավդա»-ն։
Ուկրաինայի զինված ուժերի ցամաքային զորքերի մամուլի խոսնակ Վիտալի Սարանցևի խոսքով՝ ռուսները նախկինում հարված էին հասցրել «Իսկանդեր» հրթիռներով։
Սարանցևը պատմել է. «Օդային հարձակման տագնապի պահին ամբողջ անձնակազմը գտնվում էր ապաստարաններում, բացառությամբ նրանց, ովքեր, հնարավոր է, չեն հասցրել այնտեղ հասնել: Նախնական տեղեկություններով հայտնի է, որ դա «Իսկանդեր» էր, բայց վերջնական տվյալները հայտնի կլինեն փորձագետների կողմից հարձակման վայրն ուսումնասիրելուց հետո»:
