Ուկրաինայի դեմ առավոտյան հարվածի ժամանակ Ռուսաստանը մոտ 110 հրթիռ է արձակել, որոնցից շատերը խոցվել են, սակայն դրանցից որոշները հարվածել են թիրախներին, կան զոհեր և ավերածություններ, ասել է նախագահ Վլադիմիր Զելենսկին։ Այս մասին գրում է pravda.com.ua-ն:
Նրա խոսքով՝ ռուսները հարձակվել են Կիևի, Լվովի, Օդեսանի, Դնեպրի, Խարկովի, Զապորոժիեի և այլ քաղաքների վրա։ Վնասվել են ծննդատուն, ուսումնական հաստատություններ, առևտրի կենտրոն, բարձրահարկ շենքեր և առանձնատներ, կոմերցիոն պահեստ, ավտոկայանատեղի։
Զելենսկին հավելել է, որ բոլոր ծառայություններն աշխատում են ուժեղացված ռեժիմով և անհրաժեշտ օգնություն են ցուցաբերում մարդկանց։
«Ցավակցում եմ զոհվածների ընտանիքներին և ընկերներին, վիրավորներին՝ շուտափույթ ապաքինում։ Մենք անպայման պատասխան կտանք ահաբեկիչներին նրանց հարձակումների համար։ Եվ մենք կպայքարենք երաշխավորելու մեր երկրի, յուրաքանչյուր քաղաքի, մեր ողջ ժողովրդի անվտանգությունը։ Ահաբեկչությունը պետք է պարտվի, և դա հենց այն է, ինչ տեղի կունենա»,- ամփոփել է Ուկրաինայի նախագահը։
Դեկտեմբերի 29-ին Ռուսաստանը վերջին ամիսների խոշորագույն հարվածն է հասցրել Ուկրաինային՝ պայթյուններ են հնչել Կիևում, Լվովում, Օդեսայում, Խարկովում և մի շարք այլ քաղաքներում. զոհվել է առնվազն 9 մարդ։
Ռուսաստանն առավոտյան արձակել է մոտ 110 հրթիռ. Զելենսկին խոստացել է պատասխանել
Վերջին լուրեր
Բանակը շարքային ինստիտուտի վերածելը ցույց է տալիս, որ առաջիկայում բանակի դեմ նոր պրոցեսներ են լինելու. Աբրահամյան
Վերջին օրերին բազմաթիվ իրադարձություններ եղան, բայց իմ մտքին անընդհատ իշխանության այն հայտարարություններն են, որոնք ուղիղ սպառնալիք են ստեղծում երկրի զինված...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական