Ռուս խաղաղապահները երկու օր ժամանակ են խնդրել ստեփանակերտցիներից Բերձորի միջանցքը բացելու համար։ Խաղաղապահների ներկայացուցիչների հետ բանակցություններից հետո Ստեփանակերտի մի խումբ բնակիչներ որոշել են վերադառնալ քաղաք։
Հիշեցնենք, որ դեկտեմբերի 24-ին, Ստեփանակերտի Վերածննդի հրապարակում մեկնարկեց Արցախի բնակիչների բողոքի ակցիան՝ Արցախը Հայաստանին և արտաքին աշխարհին կապող ճանապարհն անհապաղ բացելու պահանջով:
Բողոքի ակցիան նախաձեռնողներից մեկը՝ «Վաղվա Արցախ» կուսակցության նախագահ Տիգրան Պետրոսյանը, հայտնեց, որ նախ բողոքի ակցիայի մասնակիցները երթով շարժվելու են Ստեփանակերտի հուշահամալիր՝ հարգանքի տուրք մատուցելու արցախյան պատերազմներում զոհված զինծառայողների հիշատակին, այնուհետև՝ Ստեփանակերտ-Շուշի ճանապարհին տեղակայված Ռուսաստանի Դաշնության խաղաղապահ զորակազմի անցակետ՝ նրանցից պահանջելու հեռացնել ադրբեջանցիներին Բերձորի միջանցքից:
