Պուտինը ՀՕՊ նոր համակարգ ստեղծելու համաձայնագիր է ստորագրել

Ռուսաստանի նախագահ Վլադիմիր Պուտինը ստորագրել է Ղրղզստանի հետ հակաօդային պաշտպանության միասնական համակարգ ստեղծելու համաձայնագիրը։ Այս մասին տեղեկացնում է РБК լրատվականը։

Համաձայնագիրը, նշենք, դեռեւս նախորդ տարվա օգոստոսին էր ընդունվել, ՌԴ նախագահը, սակայն, այն նոր է վավերացրել։

Համաձայնագրում նշվում է, որ հակաօդային պաշտպանության միասնական համակարգը ոչ միայն Ռուսաստանի կամ Ղրղզստանի, այլեւ ԱՊՀ կազմում ներառված մնացած երկրների անվտանգությունը պաշտպանելուն կծառայի։