«Ինձ զարմացնում է իշխանական կուսակցության այն զարմանքը, երբ իրենք հայտնաբերեցին, որ մենք պահանջում ենք Ալեն Սիմոնյանի հրաժարականը»,- լրագրողների հնետ ճեպազրույցում ասել է «Հայաստան» խմբակցության պատգամավոր Ագնեսա Խամոյանը։
Նա նշել է, որ հրաժարականի հիմնավորումներն այս ընթացքում կուտակվել են, նախ՝ գերիների մասին նրա հայտարարությունները, մեղմ ասած, ոչ մարդկային, առավել ևս՝ ԱԺ նախագահին ոչ վայել են, որոնք խախտում են տղաների գերեվարման անմեղության կանխավարկածը, նաև հոգեկան տառապանքներ են պատճառում տղաների ծնողներին։
«Քիչ էր մնում, որ նրա հայտարարությունը դիվանագիտական սկանդալի առիթ դառնար։
Հաշվի առնելով այն հակասությունները, որ կան իշխանության ներսում և թե ինչ բուռն կերպով Ալեն Սիմոնյանն արձագանքեց մեր նախաձեռնությանը, չի բացառվում, որ նորից կոմպրոմատները խաղարկվեն իշխանության ներսում, կամ նորից ԱԺ նախագահի պաշտոնը վերավաճառվի Ալեն Սիմոնյանին, բայց այս իշխանության դեմ կանխատեսումներ անելը անհնար է»,-ասել է պատգամավորը։
