Ուկրաինական կարգավորման հարթ խաղաղ ծրագիր դեռ օրակարգում չէ։ Այս մասին ճեպազրույցում ասել է ՌԴ նախագահի մամուլի քարտուղար Դմիտրի Պեսկովը, փոխանցել է ՏԱՍՍ-ը։
«Վերջնական խաղաղության պլանների ինչ-որ առաջին ուրվագծեր են հայտնվում: Թեեւ դեռ հնարավոր չէ ասել, որ օրակարգում կա որեւէ համակարգված ինստիտուցիոնալ խաղաղության ծրագիր»,- նշել է Կրեմլի ներկայացուցիչը։
Ուկրաինական կարգավորման հարցը վերջին տարիների միջազգային կենտրոնական խնդիրներից է։ Ամերիկյան նոր վարչակազմը Ռուսաստանի հետ հարաբերությունները վերականգնելու եւ հակամարտությունն արագ լուծելու ուղղություն է սահմանել, սակայն դրան խոչընդոտում են ինչպես Կիեւը, այնպես էլ եվրոպական երկրները։
Մոսկվան հանդես է գալիս հակամարտությունը քաղաքական եւ դիվանագիտական ճանապարհով լուծելու օգտին, պայմանով, որ հակամարտության բուն պատճառները վերացվեն։ Միեւնույն ժամանակ, Արեւմտյան Եվրոպայում անհրաժեշտ են համարում Ռուսաստանի Դաշնությանը «ռազմավարական պարտության» մատնելը՝ հնարավոր բանակցություններում Կիեւի առավելություններն ապահովելու եւ Ուկրաինայի պայմաններով կարգավորման հասնելու հարցում։
