Կիևում, Խարկովում, Սումիում և Մարիուպոլում հայտարարված է լռության ռեժիմ։ Այդ քաղաքներում հումանիտար միջանցք է բացվել. տեղեկացնում է ՏԱՍՍ-ը։
«Հաշվի առնելով Կիև, Խարկով, Սումի և Մարիուպոլ քաղաքներում ստեղծված աղետալի հումանիտար իրավիճակի կտրուկ սրումը, ինչպես նաև Ֆրանսիայի Հանրապետության նախագահ Էմանուել Մակրոնի անձնական խնդրանքը Ռուսաստանի Դաշնության նախագահ Վլադիմիր Պուտինին, Ռուսաստանի զինված ուժերը հումանիտար նպատակներով 2022 թվականի մարտի 7-ին ժամը 10:00-ից հայտարարում են լռության ռեժիմ և բաց հումանիտար միջանցքներ»,- ասված է հաղորդագրությունում։
