«Hraparak.am»-ը գրում է․
Շատ վաղուցվա մի անեկդոտ եմ հիշում, որ իսկը Նիկոլ Փաշինյանի հագով է։ «Գողը մտնում է մարդամեկի տուն, տեսնում, որ ոչինչ չկա տանելու։ Աջ է նայում, ձախ է նայում, բան չկա։
Մեկ էլ երկաթե մահճակալի տակ նկատում է թաքնված տանտիրոջը։ Հարցնում է՝ իսկ դու՞ ինչու ես թաքնվել։ Սա էլ թե՝ ամաչում եմ, որ տանս բան չկա տանելու»։
Հիմա Նիկոլ Փաշինյանն է։ Ժառանգել է լեն ու բոլ մի տուն, ուր հաղթանակներ էին լցված։ Հաղթանակներn ու իր տան անդամներին խաղաղության կոնֆետների տեղ բաժանել է գողերին ու տակը շատ քիչ բան է մնացել։ Իր խաղաղ ապրելու համար դա էլ է ուզում տալ, որ մեկը չնեղանա ու իրեն «պատին դեմ տա»։
Ինքը խաղաղ հոգով է ուզում ապրել։ Խաղաղության դարաշրջան է ուզում բացել, որ տունը դատարկ լինի, գողի աչքն էլ տան վրա չլինի։ Դրա մեջ է գտնում իր միակ փրկությունը։
Ժամանակը հեռու չէ, երբ գողը կմտնի տուն ու Փաշինյանին կգտնի մահճակալի տակ թաքնված։ Կասի՝ ինչու՞ ես թաքնվել, նա էլ կասի՝ ամաչում եմ, որ էլ բան չունեմ տալու։ Մնացածն էլ գողի խղճին։
Իմիջայլոց Փաշինյանը թաքնվելու մեծ փորձ ունի, գուցե տան այլ անկյունում թաքնվի ու ի վերջո այդ ընթացքում մտածի, որ խաղաղ ապրելու համար ինքը պետք է Տան անվտանգությունն ընդամենը ապահովեր։
