Քաղաքական գործիչ Էդմոն Մարուքյանը գրում է. «Երեկ Ռոբերտ Քոչարյանն իր հարցազրույցում հայտարարեց, որ անձամբ մասնակցելու է 2026-ի խորհրդարանական ընտրություններին։
Ինչից անմիջապես հետո, «Հանրապետություն» կուսակցության նախագահ Արամ Սարգսյանը Պետրոս Ղազարյանին տաղավարում հայտարարեց, որ եթե առաջադրվի Սերժ Սարգսյանը, ապա նա ավելի շատ ձայներ կստանա, և որ երրորդ նախագահը պետք է առաջադրվի։
Իշխանությունների ծրագիրը, որը հրապարակվեց Արամ Սարգսյանի կողմից հետևյալն է.
համոզել Սերժ Սարգսյանին նույնպես առաջադրվել 2026թ. առաջիկա ընտրություններին, որպեսզի Փաշինյանը նորից «պայքարի» նախկինների դեմ իրենց դեմքերով և, որպես արդյունք, ժողովրդական հաղթանակ տոնի ու երրորդ ժամկետով ևս հինգ տարով մինչև 2031թ. վերընտրվի Հայաստանի Հանրապետության վարչապետի պաշտոնում։
Ռոբերտ Քոչարյանի և Սերժ Սարգսյանի գործուն աջակցությամբ նա կարող է դառնալ ՀՀ ղեկավարներից ամենաերկարակյացը՝ չնայած այն հանգամանքին, որ հենց Փաշինյանի օրոք է մեր պետությունը, անցնելով ծանր աղետների միջով, հայտնվել անդունդի եզրին»։
