Վաղ առավոտից Կիրանց են գնացել ԱԱԾ աշխատակիցները։ Կիրանցի մի քանի բնակիչների տները, հողատարածքները հանձնվում են Ադրբեջանին։ Նրանց կանչել են համայնքապետարան՝ իրենց սեփականությունը գույքագրելու, կադաստրային արժեքը որոշելու՝ փոխհատուցման համար։
«Մենք մեր հողն ու տունը չենք ծախում. մեզ ձեր փողը պետք չի: Մենք ձեզ նման չենք, որ մեր տունը ծախենք թուրքին»,- արտասվելով ասում է կիրանցի կինը։
Կարող ե՞ք այս զոհված տղաների կյանքը վերադարձնել, այն տղաների, որոնք այս հողն ազատագրելու համար են զոհվել. հարցնում է կիրանցի երիտասարդը՝ ցույց տալով Կիրանցն ազատագրած համագյուղացիների շիրիմները։
Կիրանցում է լրագրող Անի Գևորգյանը։
