Հովհաննավանքի հոգևոր հովիվ տեր Սարգիսը հոկտեմբերի 26-ին չի կարողանա պատարագ մատուցել, քանի որ հենց այդ օրը նրան կանչել են հարցաքննության։
Հովհաննավանքի հոգևոր հովիվ տեր Սարգիս քահանա Սարգսյանին, որը պետք է կիրակի օրը մատուցեր պատարագը, նույն օրը ժամը 09:00-ին քննչական մարմինը հրավիրել է հարցաքննության. հայտնել է փաստաբան Արա Զոհրաբյանը
«Դրանով պայման են ստեղծելու, որպեսզի պատարագը կատարի իրավասություն չունեցող Ստեփան Ասատրյանը: Այսպիսով քննիչն էլ միացավ ծեսի կատարման խոչընդոտման հանցագործության նախապատրաստությանը»,-ասել է նա:
Ինչպես տեսնում ենք, իրավապահները տեր Սարգսին միտումնավոր են կիրակի՝ ոչ աշխատանքային օրը, կանչել հարցաքննության, որպեսզի նա բացակայի, նրանից ձերբազատվեն, Հովհաննավանքի խորանը դատարկ լինի, ու օծյալ քահանայի տեղը գրավի կարգալույծ Ստյոպան։
Հիշեցնենք, որ Հավհաննավանքի նախկին քահանա, կարգալույծ արված Ստյոպա Ասատրյանը հայտնել է, որ կիրակի՝ հոկտեմբերի 26-ին, պատարագ է մատուցելու, նա չի հանձնում եկեղեցու բանալիները, չի ընդունում Մայր Աթոռի կարգապահական հանձնախումբի՝ իրեն կարգալույծ անելու որոշումը։
Փաշինյանը հայտարարել է, որ ինքը ևս մասնակցելու «Տեր Արամի մատուցած Սուրբ և Անմահ պատարագին»։
Քպ-ականների մեծ մասը ևս հայտարարել է, որ պատրաստվում է մասնակցել պատարագին, որովհետև չի ընդունում «Տեր Արամին» կարգալույծ անելու որոշումը։
Հոկտեմբերի 23-ին Հովհաննավանքում պսակադրության կարգ է մատուցվել, որն իրականացրել է ոչ թե Ստյոպա Ասատրյանը, այլ օծված քահանա տեր Սարգիսը, որին էլ կիրակի կանչել են հարցաքննության։
