Թուրքիայի նախագահի խոսնակ Իբրահիմ Քալընն այսօր հայտնել է, որ Թուրքիան չի միանա Ռուսաստանի դեմ պատժամիջոցներ կիրառելու՝ Արևմուտքի դիրքորոշմանը։
Նա հիմնավորել է՝ Ռուսաստանի դեմ պատժամիջոցներն ավելի շատ Թուրքիայի տնտեսությանն են վնասում, քան Ռուսաստանի։
Պաշտոնյայի խոսքով՝ Ուկրաինայի վերաբերյալ ցանկացած խաղաղ ծրագիր դատապարտված կլինի ձախողման, եթե դրանում հաշվի չառնվի Ռուսաստանի կարծիքը։
Ըստ Քալընի՝ եթե Ուկրաինայում հակամարտությունը ձգձգվի, Եվրոպան կհոգնի ռազմական գործողություններից, իսկ հասարակությունը կհայտարարի, որ այլևս չի ցանկանում աջակցել Կիևին:
