Ադրբեջանի պետական անվտանգության ծառայությունը Արցախի բնակիչ Ռաշիդ Բեգլարյանին մեղադրանք է առաջադրել «Խոջալուի ցեղասպանությանը» մասնակցելու համար. հայտնում է vesti.az-ը:
Ինչպես հայտնի է, Ռաշիդ Բեգլարյանն Արցախցի է, նա այս տարվա օգոստոսին մոլորվելու հետևանքով հայտնվել էր ադրբեջանական վերահսկողության ներքո գտնվող տարածքում։ Ադրբեջանցի սահմանապահները նրան ձերբակալել էին։
Այսինքն՝ Ռաշիդ Բեգլարյանի անունը Ադրբեջանի «սև ցուցակում» ի սկզբանե չի եղել, ինչպես հայտնում էին Վագիֆ Խաչատրյանի դեպքում։ Ըստ տեղեկությունների՝ արցախցի Ռաշիդը գինովցած է եղել, այդ պատճառով էլ մոլորվել ու հասել է Արցախի՝ ադրբեջանական վերահսկողության տակ գտնվող տարածք։ Նրան գերեվարելով՝ 3 ամիս անց Բաքուն որոշել է, որ Ռաշիդ Բեգլարյանն էլ է «ցեղասպան», նա նույնպես Վագիֆ Խաչատրյանի նման երևի թե մասնակցած կլինի «Խոջալուի ցեղասպանությունը»։
Դե եթե միջինից բարձր տարիքի արցախցի է, ուրեմն տարիքը համապատասխանում է, 1992 թվականին երեխա չի եղել, որ չկարողանան մեղադրել, գիտակից երիտասարդ է եղել, ուրեմն կարող էր և Խոջալուում եղած լինել։ Ի՞նչ կա որ…
Այս աստիճան աբսուրդ, այս աստիճանի անօրինական ու հակամարդ… Ու սրոնց հետ ՀՀ իշխանությունը խոսում է խաղաղության պայմանագրերից ու խաղաղության խաչմերուկներից…
Ռաշիդ Բեգլարյանը մեղադրվում է ադրբեջանցիների նկատմամբ «խոշտանգումներ կատարելու, պատերազմական հանցագործություններին, անօրինական զինված խմբավորումների գործունեությանը մասնակցելու» համար: Ռաշիդ Արամայիսի Բեգլարյանին մեղադրանք է առաջադրվել հինգ հոդվածով։ Նա ձերբակալվել է։
Հաղորդվում է, որ իբր նա խոստովանել է, որ մասնակցել է 1992 թվականի փետրվարի 26-ին «Խոջալուի ցեղասպանությանը»։
Ինչպես հայտնի է, Ռաշիդ Բեգլարյանն Արցախցի է, նա այս տարվա օգոստոսին մոլորվելու հետևանքով հայտնվել էր ադրբեջանական վերահսկողության ներքո գտնվող տարածքում։ Ադրբեջանցի սահմանապահները նրան ձերբակալել էին։
