Ադրբեջանն անընդունելի է համարում Հայաստանին զինելու և նրան հերթական ռազմական արկածախնդրության մեջ ներքաշելու Ֆրանսիայի փորձերը. ասվում է Ադրբեջանի ԱԳՆ մեկնաբանության մեջ՝ կապված Երևանում կայացած մամուլի ասուլիսում Ֆրանսիայի Եվրոպայի և արտաքին գործերի նախարար Քեթրին Կոլոննայի հայտարարությունների հետ։
«Մենք անընդունելի ենք համարում Հայաստանին ամեն գնով զինելու, նրան ագրեսիայի մեղելու և հերթական ռազմական արկածախնդրության մեջ ներքաշելու Ֆրանսիայի փորձերը։
Փարիզը պետք է հասկանա, որ մեր տարածաշրջանին միջամտելու հաջորդ փորձերը ձախողվելու են, ինչպես դա եղել է պատմության ընթացքում. նշվում է ԱԳՆ հայտարարության մեջ։
Գերատեսչությունը հիշեցրել է, որ միջազգային կազմակերպությունները, ինչպես նաև անձամբ ՀՀ վարչապետ Նիկոլ Փաշինյանը հաստատել են, որ Ադրբեջանի կողմից Ղարաբաղի տարածքում իրականացվող տեղական հակաահաբեկչական միջոցառումները որևէ վտանգ չեն ներկայացնում խաղաղ բնակչության համար։
«Չնայած դրան՝ ֆրանսիացի նախարարը հանցագործություն է անվանել Ադրբեջանի օրինական քայլերն իր ինքնիշխան տարածքներում: Նման հայտարարությունները ոչ միայն սուտ են, այլև բացահայտորեն ցույց են տալիս, թե որքան ապաշնորհ է Ֆրանսիայի քաղաքականությունը տարածաշրջանում»,- ասվում է հայտարարության մեջ:
Հայաստանի «գլուխը շոյելու» ֆրանսիական դիվանագիտությանը քաջածանոթ ենք։ Ու չենք մոռանում, որ այս ամենն ուղղակի ֆրանս-ադրբեջանական կեղծ թշնամանքի խաղեր են, որոնց միջոցով Ֆրանսիան ուզում է ազդեցության գոտի ունենալ մեր տարածաշրջանում։
