«Արծվիկ Մինասյանն ասում է՝ եկեղեցին կանգնած է քաղաքական պրոցեսի ակունքներում: Ցնդելու բան է, եկեղեցին ո՞նց կարա կանգնած լինի քաղաքականության ակունքներում: Գնացեք կուսակցություն գրանցեք: Դոգի կուսակցությունը կա, թող մի հատ էլ ձեր կուսակցությունը լինի, իրար հետ մրցեք»,-ԱԺ ամբիոնից ասաց Ալեն Սիմոնյանը՝ անդրադառնալով եկեղեցու առաջնորդած շարժմանը։
Նրա կարծիքով՝ ընդդիմությունն է կազմակերպել այդ շարժումը, բայց այլ դեմքեր են երևում։
«Ժողովրդին էշի տեղ մի դրեք, գժի տեղ մի դրեք: Մարդիկ ամեն ինչից տեղյակ են: Բոլոր հույզերի վրա խաղացիք, Եռաբլուրի հույզի վրա էլ խաղացիք:
ՀՀ ժողովուրդն է որոշելու՝ ով է իշխանությունը, դու չէ, Արթուր Խաչատրյանը, Վինի Պուխը չէ, Քոչարյան Ռոբերտը չէ, Սերժը չէ, մնացածը չէ, ՀՀ ժողովուրդն է ընտրություն կատարելու: Կընտրի՞ ուրիշ մարդու, էդ ուրիշ մարդը կգա ղեկավարելու: Չի ուզի՞՝ դրան էլ կփոխի»,- հայտարարեց ԱԺ նախագահ Ալեն Սիմոնյանը՝ խոսքն ուղղելով ընդդիմությանը:
«Արտահերթ ընտրություններից եք խոսում, դուք սնանկ եք: Մեր չկատարած բաներից եք խոսում, դուք ոչ ասելիք ունեք, ոչ դեմք ունեք: Դուք դեմք չունեք, որով կարող եք հանդես գալ: Իրար մեջ խոսում եք, ասում եք՝ դե լավ, դու մի երեւա, քեզ չեն սիրում, էս անգամ դու մի արա, արի պարկեշտ մարդու բերենք, իր դեմքով հանդես գանք:
Ընդունում եք, որ դուք պարկեշտ չեք: Ընդունում եք, որ դուք չկաք՝ թե՛ որպես քաղաքական գործիչ, թե՛ որպես ՀՀ քաղաքացի:
Եկել եք արտահերթ ընտրություններից եք խոսում, մանդատները դրեք: Դուք մանդատ կդնե՞ք: Իրար մեջ պաշտոնի համար էնքան կգզվռտվեք, աղմուկը մինչեւ ուր կհասնի: Կարանք 10 ամիսը մեկ ձեզ տանենք արտահերթ ընտրությունների, հաղթենք բերենք: Ուղղակի մենք խաչ ենք վերցրել, տանում ենք, առաքելություն ունենք»,- հայտարարեց նա:
