Կ.Պոլսի հայկական եկեղեցում տեղի ունեցած հրաձագության կասկածյալները ձերբակալվել են

Թուրքիայի ոստիկանությունը հունվարի 28-ին Կ. Պոլսի կաթոլիկ եկեղեցում տեղի ունեցած հրաձգությանն առնչություն ունենալու կասկածանքով ձերբակալել է 47 մարդու, այդ թվում՝ Ռուսաստանի քաղաքացու. Ինչպես հաղորդում է  ՏԱՍՍ-ը, լրագրողներին հայտնել է Թուրքիայի ներքին գործերի նախարար Ալի Էրլիքայան։

«Ստամբուլը դարեր շարունակ տուն է եղել տարբեր դավանանքների ներկայացուցիչների համար, և այդպես էլ կլինի: Մենք երբեք չենք հանդուրժի նրանց, ովքեր փորձում են խաթարել մեր երկրում խաղաղությունն ու անդորրը: Եկեղեցու վրա զինված հարձակման գործի հետաքննության շրջանակում գործողություններ են իրականացվել 30 հասցեներում, ձերբակալվել է 47 մարդ, այդ թվում՝ Ռուսաստանի և Տաջիկստանի մեկական քաղաքացի, որոնք կարող են կապված լինել «Իսլամական պետության» հետ»,- ասել է նա։

Դեպքը տեղի է ունեցել հունվարի 28-ին տեղական ժամանակով մոտավորապես 11:40-ին Կ.Պոլսի Սարիեր շրջանի Սուրբ Մարիամ կաթոլիկ եկեղեցում։ Երկու դիմակավորված անձ պատարագի ժամանակ կրակ են բացել, ինչի հետևանքով սպանվել է Թուրքիայի քաղաքացի։

Թուրքիայի նախագահ Ռեջեփ Թայիփ Էրդողանը ավելի վաղ հավաստիացրել էր, որ հարձակման մասնակիցները 24 ժամվա ընթացքում կձերբակալվեն։