ԱԺ «Հայաստան» խմբակցության պատգամավոր Լևոն Քոչարյանի օգնական Արթուր Սուքոյանը գրում է․
«Նիկոլ Փաշինյանը վերջերս հայտնվել է քաղաքական «ճահճում», որտեղ յուրաքանչյուր գործողություն միայն արագացնում է նրա «խորտակումը»։ Սակայն սա պարզապես անհատական ճգնաժամ չէ, այլ պետական կործանման վտանգ պարունակող երևույթ, որի հետևանքները դուրս են գալիս նրա անձնական իշխանության սահմաններից ու սպառնում են ողջ պետականությանը։
Որպես համառ մարդ՝ նա փորձում է դուրս գալ այս ինքնաոչնչացման ցիկլից։ Նրա ինքնապահպանման բնազդը կրկնակի է գործում, քանի որ խոսքը միայն ֆիզիկական գոյության մասին չէ, այլ նաև իշխանության պահպանման։
Ի ուրախություն մեզ, որքան շատ է նա «թպրտում ճահճում» իշխանությունը պահելու համար, այնքան ավելի է խորանում նրա մեջ։ Օրինակները բազմաթիվ են, սակայն դրանցից ամենաթարմը երեկվա հիստերիան և դրա հետևանքները՝ Գյումրու ընդդիմադիր թեկնածուների նկատմամբ ոստիկանական ճնշումները։ Բայց այս գործընթացն ունի նաև իր վտանգավոր կողմը․ նա փորձում է իր հետ «խորտակել» պետությունը և հայկական ինքնությունը(մեր անելիքը ավելի շատ այստեղ է)։
Այնուամենայնիվ, նրա մոտալուտ «վախճանը» արդեն պարզ երևում է, և դա բացառիկ ձևով ոգևորիչ է ինձ համար։ Քանի որ մինչ այս ոչ մի ընտրություն կամ շարժում նրան այսքան մոտ չի բերել անկմանը (թեպետ անկասկած դրանք են նպաստել այս ամենին)։
Եվ շուտով երբ արդեն ճահճից միայն գլուխը կմնա ջրի երեսին, նա անշարժ կսպասի, որ ինչ-որ մեկն իրեն ձեռք մեկնի։ Բայց չի գիտակցի, որ նույնիսկ պատահական անցորդը կամ իր ամենահավատարիմը ոտքը կդնի նրա գլխին՝ վերջնականապես խրելով ճահճի մեջ, որտեղից այլևս վերադարձ չկա։
Նրա համար այս պատմության մեջ գուցե մի դրական բան կա. Նիկոլ Փաշինյանը գրգռվում է իր բացառիկության մտքից, և ի վերջո խորտակվելուց հետո նա կդառնա աշխարհում միակ, բացառիկ այն «կղանքը, որը չի ելնի ջրի երես»։
