ՀՀ Սփյուռքի գործերի գլխավոր հանձնակատար Զարեհ Սինանյանն այսօր հայտարարել է, որ կառավարությունը փաթեթ է պատրաստում Լիբանանից Հայաստան եկող քաղաքացիների համար:
«Մենք պետք է կարողանանք ըստ արժանվույն ընդունել այն մարդկանց, ովքեր ցանկանում են գալ Հայաստան, ապրել այստեղ, դառնալ հասարակության լիիրավ անդամներ: Քաղաքացիներ, հարկ վճարողներ, զինվորներ. փորձենք միասին կերտել մեր երազած Հայրենիքը: Մենք՝ որպես պետություն, պատասխանատվություն ենք կրում մեր քաղաքացիների համար: Դեսպանության տվյալներով՝ Լիբանանում 25 հազար ՀՀ քաղաքացի է բնակվում, մենք պատասխանատվություն ունենք մեր հայրենակիցների համար»,-նշել է Զարեհ Սինանյանը:
