ԱՄՆ Ալյասկա նահանգի Անքորիջ քաղաքում նախագահ Դոնալդ Թրամփը ՌԴ իր գործընկեր Վլադիմիր Պուտինի հետ նեղ կազմով բանակցությունների ավարտին կայացած ասուլիսում ասել է, որ հանդիպումն անցել է բավական կառուցողական մթնոլորտում և մի քանի էական կետով բանակցություն է կայացել:
«Շատ խորքային և, ասեմ ձեզ, մեզ մոտ շատ պրոդուկտիվ հանդիպում էր։ Մենք համաձայնության եկանք բազմաթիվ, բազմաթիվ հարցերի շուրջ։ Դրանց մեծ մասը, կարելի է ասել՝ մի քանի կարևոր կետեր դեռևս վերջնականապես չեն լուծվել, բայց մենք տեսնում ենք որոշակի առաջընթաց։ Դեռևս այլ փոխըմբռնում գտնել մեզ չի հաջողվել։:
Ես կզանգահարեմ ՆԱՏՕ-ի, Եվրոպայի ղեկավարներին, Զելենսկուն: Շնորհակալ եմ մեր պատվիրակության անդամներին և այստեղ նստած գործարարներին: Մենք իսկապես կցանկանայինք հնարավորինս շուտ ավարտել այս հակամարտությունը: Այսօր մենք արձանագրեցին զգալի առաջընթաց: Ես Վլադիմիր Պուտինի հետ շատ լավ հարաբերություն ունենք: Միասին բազմաթիվ բարդ և շատ լավ հանդիպումներ ենք անցկացրել: Անդրադարձել ենք կեղծ նորություններին՝ ԱՄՆ ընտրություններին Ռուսաստանի ենթադրյալ միջամտության մասին: Խաղաղ կարգավորման լավ հնարավորություն է ստեղծվել: խաղաղության դեռ չենք հասել: Սակայն շնորհակալ եմ նախագահ Պուտինին և նրա թիմին՝ այդ ուղղությամբ կատարած աշխատանքի համար: Յուրաքանչյուր շաբաթ հազարավոր մարդիկ են զոհվում: Նախագահ Պուտինը կցանկանար ավարտել այս հակամարտությունը: Շնորհակալ եմ Ձեզ, պարոն նախագահ և հույս ունեմ կրկին հանդիպել ձեզ հետ մոտ ապագայում»,- ասել է Դոնալ Թրամփը:
Երբ Վլադիմիր Պուտինն ի պատասխան առաջարկել է հաջորդ հանդիպումն անցկացնել Մոսկվայում, Թրամփը ասել է. «Շատ հետաքրքիր առաջարկ է: Ինձ, իհարկե դրա համար կքննադատեն, բայց դա հետաքրքիր առաջարկ է: Տեսնենք»:
Կրեմլի մամուլի ծառայությունը տեղեկացրել է, որ Ալյասկայի Անքորիջ քաղաքում հանդիպման և ասուլիսի ավարտից հետո Վլադիմիր Պուտինն այցելել է Երկրորդ աշխարհամարտի տարիներին զոհված խորհրդային օդաչուների շիրիմներ, այնուհետև վերադրձել Մոսկվա: Սպիտակ տան տեղեկությա համաձայն՝ նախօրոք պլանավորված աշխատանքային ճաշը ՌԴ և ԱՄՆ պատվիրակությունների միջև չի կայացել, և նախագահ Թրամփը շտապ վերադարձել է Վաշինգտոն:
