Բրիտանական The Economist ամսագիրը հոդված է հրապարակել՝ քննադատելով Արևմուտքի և Ռուսաստանի միջև հավասարակշռություն պահպանելու Թուրքիայի արտաքին քաղաքականությունը, Ռուսաստանի Դաշնության դեմ պատժամիջոցներ կիրառելուց Թուրքիայի հրաժարումը և Ֆինլանդիայի հետ ՆԱՏՕ-ում Շվեդիայի մուտքի վրա վետո դնելը։
«Արևմտյան երկրները կփորձեն շրջանցել Թուրքիայի վետոն՝ անվտանգության երաշխիքներ տրամադրելով Ֆինլանդիային և Շվեդիային։ Սա կարող է Թուրքիային դուրս թողնել Հյուսիսատլանտյան դաշինքից։ <…> Բայց Ֆինլանդիայի և Շվեդիայի անդամակցությունը ՆԱՏՕ-ին կանխելը, մինչ Եվրոպայում պատերազմ է մոլեգնում, անխուսափելիորեն հետևանքներ կունենա, նույնիսկ եթե պարոն Էրդողանը նահանջի: Շվեդիան այն սակավաթիվ երկրներից էր, որն աջակցում էր Եվրամիությանն անդամակցելու Թուրքիայի ձգտումներին։ Այդ աջակցությունն այժմ չկա»:
Հոդվածը եզրակացնում է, որ չնայած հակասությունների երկար ցանկին, որոնցում «Թուրքիան և Արևմուտքը երբեք չեն համաձայնի», Թուրքիայի դուրս գալը/բացառումը ՆԱՏՕ-ից, դեռևս անհնար է.
«Թուրքիան Սիրիայում պատերազմի առաջնագծում է և մոտ է այլ հակամարտություններին։ Միջին Արեւելքում այն վերահսկում է մուտքը դեպի Սև ծով, որը կենտրոնական է եղել վերջին հակամարտությունների համար և ծառայում է որպես միջանցք Կենտրոնական Ասիայի և Եվրոպայի միջև առևտրի համար, հատկապես էներգետիկայի ոլորտում»,- ասել է Եվրոպայում ԱՄՆ ուժերի նախկին հրամանատար Բեն Հոջեսը: «Ես նույնիսկ չեմ ուզում ՆԱՏՕ-ի մասին մտածել առանց Թուրքիայի»,- հավելել է նա։
