«Հայաստան» դաշինքի պաշտոնական ներկայացուցիչ Արամ Վարդևանյանը հունիսի 29-ին տեղի ունեցած «Հայաստան» դաշինքի առաջին ընդհանուր ժողովում ներկայացրեց մի փոքր մասը այն ընտրախախտումների, ընտրակեղծիքների, որ պատրաստվում են ներկայացնել ՍԴ-ում։
Դրանք են՝
- 109 618 քաղաքացու դեպքում անձնագիրը չի աշխատել, չի ճանաչել գրանցող սարքը։ Նրանց տվյալները լրացվել է ձեռքով։
- 23 790 քաղաքացու նույնականացումն իրականացվել է առանց լուսանկարի։
- 10 993 զինծառայողի քվեարկության ամբողջ գործընթացը պահվել է խիստ գաղտնի։ Տեսանյութերում երևում է, որ նրանք քվեարկել են ինչ-որ մարդկանց ուղորդմամբ, իրենց կամքին հակառակ։
- Քվեարկածների ցուցակների և ԿԸՀ արձանագրությունների թվերը չեն համապատասխանում։ Օրինակ՝ համաձայն ցուցակի՝ 1000 ընտրող է, համաձայն ԿԸՀ արձանագրության՝ 1500։
Արամ Վարդևանյանը ներկայացրեց այլ հնարավոր խախտումների և վարչական ռեսուրսի չարաշահման դեպքեր ևս։
Հրապարակած խախտումները ներկայացնում ենք ինֆոգրաֆիկայով։
Yerevan today
