Այսօր ուշ երեկոյան Պրահայում ավարտվեց Էրդողան-Փաշինյան երկկողմ հանդիպումը, որի ավարտից հետո հայկական պատվիրակությունը մեկնեց, իսկ Թուրքիայի նախագահը մոտ 40 րոպե պատասխանեց լրագրողների հարցերին։ Ավելի մանրամասն կանդրադառնանք հաջորդիվ, միայն նշեմ, որ որեւէ փաստաթուղթ չի ստորագրվել, ինչպեսեւ Միշել, Մակրոն, Ալիեւ, Էրդողան քառակողմ հանդիպման ժամանակ։ Թուրքիայի նախապայմանների մասին մեր հարցին ի պատասխան Էրդողանն ասաց, որ իրենք նախապայմաններ չեն դնում Հայաստանի հետ հարաբերությունների նորմալացման հարցում, այլ միայն սպասում են Հայաստան-Ադրբեջան խաղաղության պայմանագրին, որից հետո ամեն ինչ լավ կլինի։ Ընդհանրապես, երեւում էր, որ Էրդողանը գոհ է Փաշինյանի հետ հանդիպումից, եւ հույսեր է կապում հատուկ բանագնացների մակարդակով հայ-թուրքական բանակցությունների ընթացքի հետ։
Հակոբ Ասատրյան Պրահա
