Ուկրաինայի նախագահ Վլադիմիր Զելենսկին Դավոսում հանդիպել է ՆԱՏՕ-ի գլխավոր քարտուղար Յենս Ստոլտենբերգի հետ. գրել է նա «X» սոցիալական ցանցի իր էջում։
Նրա խոսքով՝ Դավոսի հանդիպմանը քննարկվել է առաջնագծում տիրող իրավիճակը։
«Ես գլխավոր քարտուղարին տեղեկացրել եմ վերջերս իրականացված ռուսական ավիահարվածների մասին և ընդգծել Ուկրաինայի հակաօդային պաշտպանության հետագա ամրապնդման կարևորությունը: Մենք խոսեցինք նաև Ուկրաինայի պաշտպանության այլ կարիքների մասին»,- գրել է Զելենսկին։
Նա հավելել է, որ քննարկվել է նաև Միացյալ Թագավորության և Ուկրաինայի միջև վերջերս ստորագրված անվտանգության համաձայնագրի կարևորությունը։
