Ուկրաինայի նախագահ Վլադիմիր Զելենսկին հայտարարել է, որ հետաքրքրված չէ Ռուսաստանի Դաշնության նհախագահ Վլադիմիր Պուտինի հետ բանակցություններով։
«Դա (բանակցությունները) ինձ հետաքրքիր չէ: Հետաքրքիր չէ հանդիպել նրա հետ, խոսել: Ես իսկապես չեմ հասկանում, թե ով է որոշումներ կայացնում Ռուսաստանում»,- ասել է Զելենսկին բրիտանական Sky News հեռուստաալիքին տված հարցազրույցում, գրում է Tert.am-ը:
Ուկրաինայի նախագահը հավելել է, որ Ուկրաինա Ռուսաստանի ներխուժումից հետո Պուտինն իր համար դարձել է «ոչ ոք»։
Ռուսաստանի Դաշնության նախագահի մամուլի քարտուղար Դմիտրի Պեսկովը ճեպազրույցում մեկնաբանել է Զելենսկու վերանշյալ հայտարարությունը, գրում է gazeta.ru-ն։
«Մենք գիտենք, թե ինչ խոստումներով է պարոն Զելենսկին ընտրվել նախագահ… Նա չլուծեց Դոնբասի խնդիրը, չկատարեց Մինսկի պայմանավորվածությունները, չէր էլ պատրաստվում կատարել դրանք։ Նա պատրաստվում էր պատերազմի։ Նա ինքը վաղուց դադարել է լինել նախագահ Պուտինի հավանական ընդդիմախոսը»,- ընդգծել է Կրեմլի խոսնակը։
Հիշեցնենք, որ Զելենսկին ավելի վաղ հրամանագրով արգելել էր Ռուսաստանի հետ բանակցություններ վարելը։
