Մոսկվան տեղեկատվություն է խնդրել Երևանից Պենտագոնի կողմից Հայաստան տեխնիկա տեղափոխելու մասին մամուլում տարածված լուրերի վերաբերյալ: Այս մասին ճեպազրույցի ժամանակ ասել է ռուսաստանի ԱԳՆ պաշտոնական ներկայացուցիչ Մարիա Զախարովան:
Նա, մասնավորապես, նշել է. «Մենք տեսել ենք այդ հրապարակումները և օպերատիվ հարցում ենք արել հայ գործընկերներին։ Մեզ տեղեկացրել են, որ Վաշինգտոնից նման պաշտոնական հարցումներ չեն ստացվել։ Այնուամենայնիվ, եթե տեղեկությունը հաստատվի, ապա դա, իհարկե, ապակայունացնող գործոն կդառնա Հարավային Կովկասում կայունության և անվտանգության համար»:
Զախարովան կրկնել է պաշտոնական Մոսկվայի դիրքորոշումը, որ Հարավային Կովկասի երկրների խնդիրները պետք է լուծվեն տարածաշրջանների շրջանակում:
