Ես շնորհակալություն եմ հայտնում Ռոբերտ Քոչարյանին, որ ինքն ինձ ընդգրկեց ցուցակում, ես մտա խորհրդարան, որը հնարավորություն տվեց շատ խնդիրներ փորձել լուծել, լրագրողների հետ զրույցում այսօր ասաց ԱԺ պատգամավոր Գեղամ Նազարյանը։
«Ես իրենից շնորհակալ եմ, որ մեր զրույցը շատ շատ բարձր մակարդակի եղավ, որ մենք իրար ձեռք սեղմեցինք՝ որպես ոչ թե հրաժեշտ, այլ ուղղակի, որ ընկերներ ենք, և այդպես էլ կշարունակվի»,- ասաց նա։
Գեղամ Նազարյանը միաժամանակ նշեց, որ Ռոբերտ Քոչարյանի կողմից առաջարկ չի եղել՝ վայր դնելու մանդատը։
«Հենց ինքն առաջինն ասեց՝ դու իրավունք չունես էս քո կարգավիճակով, քո խնդիրներով մանդատը վայր դնել։ Քոչարյանը միշտ է ժողովրդավար եղել։ Ինքն իր PR-ին երբեք ուշադրություն չի դարձրել։
Տեսեք 98-2008 թվականների ՀՀ զարգացումը. եթե նա ժողովրդավար չլիներ, Հայաստանն այդ կարգի աճ կարձանագրե՞ր, մարդիկ կկարողանայի՞ն խնդիրներ լուծել»,- ասաց Գեղամ Նազարյանը։
