Ռուսական «Սու-34» գերձայնային կործանիչ-ռմբակոծիչն ընկել է Կրասնոդարի երկրամասի Եյսկ քաղաքի բազմաբնակարան շենքերի հատվածում. հայտնել է ՌԴ պաշտպանության նախարարությունը։
«2022 թվականի հոկտեմբերի 17-ին Հարավային ռազմական օկրուգի ռազմական օդանավակայանից ուսումնավարժական թռիչք կատարելու ժամանակ բարձրանալիս «Սու-34» ինքնաթիռ է կործանվել։ Ինքնաթիռն ընկել է Եյսկ քաղաքում։ Ըստ կատապուլտի ենթարկված օդաչուների հաղորդագրության՝ վթարի պատճառը եղել է թռիչքի ժամանակ շարժիչներից մեկի բռնկումը։ «Սու-34»-ի կործանման վայրում՝ բնակելի թաղամասերից մեկի բակում, օդանավի վառելիքը բռնկվել է»,- ասվում է հաղորդագրության մեջ։
Կրասնայա 47/41 հասցեի բազմաբնակարան շենքի 1-5 հարկերն այրվել են։ Հրդեհի մասին ահազանգն ատացվել է հոկտեմբերի 17-ին, ժամը 18։37-ին։
Եյսկի քաղաքապետն էլ հայտնել է, որ 17 բնակարան է շարքից դուրս եկել։ Ըստ նախնական տվյալների՝ զոհվել է երկու մարդ։
