Եվրոպան և «Կիևի ռեժիմը» փորձում են փչացնել նացիստական Գերմանիայի նկատմամբ տարած Հաղթանակի 80-ամյակի տոնակատարությունը։ Այս մասին այսօր հայտարարել է Ռուսաստանի արտաքին հետախուզության ծառայության մամուլի գրասենյակը, տեղեկացնում է Известия-ն։
Նշվում է, որ, ըստ գերատեսչության, Եվրոպան շարունակում է հավատարիմ մնալ Հայրենական մեծ պատերազմում Հաղթանակի 80-ամյակի նկատմամբ ռևանշիստական մոտեցումներին և հրահրել Կիևին։
«Հենց այսպես պետք է մեկնաբանել Գերմանիայի իշխանությունների որոշումը՝ Ռուսաստանի Դաշնության և Բելառուսի դեսպաններին թույլ չտալ մասնակցել ամբողջ երկրում անցկացվող հիշատակի միջոցառումներին»,-հայտնել են ՌԴ արտաքին հետախուզության ծառայությունից։
Գերատեսչությունում նաև շեշտել են, որ եվրոպացի որոշ առաջնորդներ ցինիկաբար են արտահայտում Ուկրաինայի նախագահ Վլադիմիր Զելենսկիի հրավերն ընդունելու իրենց մտադրությունը՝ այցելելու Կիև՝ մասնակցելու մայիսի 9-ին Մոսկվայում անցկացվելիք տոնակատարություններին «այլընտրանք» ծառայող միջոցառումներին։ Նրանց կարծիքով՝ հրավիրված եվրոպական երկրների շրջանակը լիովին համապատասխանում է ԽՍՀՄ-ի դեմ պայքարող Հիտլերյան կոալիցիայի կոնֆիգուրացիային։
Նշվում է նաև, որ եվրոպական դիվանագիտության ղեկավար Կայա Կալլասի նախազգուշացումները ԵՄ անդամ պետություններին և անդամակցության թեկնածուներին՝ նրանց ներկայացուցիչների՝ Ռուսաստանում տոնակատարությանը մասնակցելու դեպքում, քամահրանք են թվում, ինչպես արդեն արտահայտվել են Սլովակիայի և Սերբիայի առաջնորդները։
