Գիտնականները նոր հետազոտություն են անցկացրել Անտիկիթերա կղզում նավի խորտակման վայրում եւ կատարել մի շարք հետաքրքիր բացահայտումներ: Հունաստանի մշակույթի եւ սպորտի նախարարության տվյալներով՝ Անտիկիթերա կղզու ափին մարմարե գլուխ է հայտնաբերվել, որը, հավանաբար, Հերկուլեսի արձանի մի մասն է եղել, գրում է Planet Today-ը:
20-րդ դարի սկզբին այստեղ հայտնաբերվել են նավի խորտակման հետքեր։
Անտիկիթերայի խորտակված նավի հետքերի հայտնաբերումից անցել է ավելի քան մեկ դար, սակայն գիտնականները չեն դադարում ծովի հատակի այս հատվածում նոր արտեֆակտներ գտնել: Հնագետները պատահաբար հայտնաբերել են արձանի մարմարե հիմքը, Հերկուլեսի արձանի գլուխը, ինչպես նաեւ մի շարք արտեֆակտներ, մասնավորապես՝ երկու մարդկային ատամներ եւ խորտակված նավի բեկորներ:
Ենթադրվում է, որ արձանի գլուխը Հերկուլեսի անգլուխ քանդակի մասն է, որը հայտնաբերվել է 1990 թվականին։
news.am
