Անժելա Էլիբեգովան ֆեյսբուքյան իր էջում գրել է․
Ուշադիր եղեք իշխանական քարոզչական նոր նարրատիվին՝ դե նացիստներն էլ էին հրեաներին ցեղասպանել, հիմա լավ են իրար հետ, մենք ինչի Թուրքիայի հետ լավ չլինենք՞:
Ու քանի որ դա տարածողները բութ են և տգետ, իրենք վստահաբար չգիտեն, որ Գերմանիայի և Իսրայելի հարաբերությունները հնարավոր են դարձել միայն այն դեպքում, երբ Գերմանիան իր մեղավորությունը ճանաչել է, պատասխանատվությունը ստանձնել է, իրավական և ֆինանսական բոլոր հետևանքները կրել է և շարունակում է կրել մինչ օրս։
Թուրքիան դա, իհարկե, չի արել։ Հետևաբար նման համեմատությունը ոչ միայն անընդունելի է և անբարոյական, այլ նաև շատ վտանգավոր է հանրային կարծիքի վրա ազդելու տեսանկյունից։
Զգոն եղեք։
