Անկլավները չեն առաջացել հեղափոխությունից հետո, դրանք միշտ եղել են:
ԱԺ-ում լրագրողներին ասել է Տավուշի մարզպետ Հայկ Ղալումյանը։
«Անկլավների մասով այս պահին բանակցություն տեղի չի ունենում, երբ կլինի՝ հանրությանը տեղյակ կպահվի։
Ինչպես մենք ունենք տարածքներ Ադրբեջանի տիրապետության տակ, նույնն էլ ունեն նրանք՝ և՛ Տավուշի մարզում, և՛ ՀՀ տարբեր հատվածներում»,-ասաց Ղալումյանը։
Նա նշեց, որ անկլավների հարց հարցը լուծվելու է, վարչապետը բազմիցս շեշտել է, բացատրել է, որ հարցը լուծվելու է սահմանազատման, սահմանագծման ընթացքում:
«Մեր հողերից շատ տարածություններ գտնվում են նրանց վերահսկողության տակ: Բերքաբերի հատվածից մոտ 950 հեկտար գտնվում է Ադրբեջանի վերահսկողության տակ: Ինչ խնդիր ունենք մենք, նույնն ունեն ադրբեջանցիները, պետք է նստել սեղանի շուրջ, որոշել հարցերը», – նշեց Ղալումյանը։
