Այսօրվանից մեկնարկում է «Հայրենիք» կուսակցության նախագահ Արթուր Վանեցյանի նախաձեռնած բողոքի ակցիաների երկրորդ փուլը: Այս մասին հայտարարել է կուսակցության խորհրդի անդամ Արսեն Բաբայանը` նշելով, որ լինելու են առավել վճռական:
«Առավոտյան ավարտվում է մեր հայտարարած լռության օրը: Առավոտյան մեկնարկում է Արթուր Վանեցյանի սկսած բողոքի հավաքների երկրորդ փուլը:
Լինելու ենք առավել վճռական, առավել ջանքերով և հասնելու ենք վերջնական նպատակին:
Մի կաթիլ անգամ կասկած չունենաք, որ մեր սկսած գործը հաջողվելու է: Մենք ենք պահելու Հայաստանը, մենք ենք հզորացնելու մեր չքնաղ երկիրը:
Սրբելու ենք ապազգայինը, հակապետականը և բերելու ենք հայկականն ու հզորը», – նշել է նա:
