Ալ Հադաթ հեռուստաալիքը հայտնել է, որ ԱՄՆ-ի և Մեծ Բրիտանիայի զինված ուժերը Կարմիր ծովի կողմից հարվածներ են հասցրել հութիների դիրքերին՝ երկրի արևմուտքում գտնվող Հոդեյդա նավահանգստային քաղաքի մոտակայքում: Reuters-ը, վկայակոչելով ամերիկացի պաշտոնյաներին, նույնպես հայտնել է հարվածների մասին:
ԱՄՆ-ի և Մեծ Բրիտանիայի զինված ուժերը հունվարի լույս 12-ի գիշերը հարվածներ են հասցրել Եմենի «Անսար Ալլահ» (հութիներ) ապստամբական շարժման օբյեկտներին. հայտնում է ՏԱՍՍ գործակալությունը։
ԱՄՆ-ը և Մեծ Բրիտանիան բարձր գին կվճարեն երկրին հասցված զանգվածային հարվածների համար. հայտարարել է Եմենի «Անսար Ալլահ» (հութիներ) շարժումը:
«Անկասկած, Ամերիկան և Բրիտանիան կկրեն այս ագրեսիայի բոլոր հետևանքները»,- X-ի իր միկրոբլոգում գրել է «Անսար Ալլահ»-ի կառավարությունում փոխարտգործնախարար Հուսեյն ալ-Էզզին:
Հութիների առաջնորդ Աբդուլ Մալեք ալ-Հութինը հայտարարել է, որ Եմենի վրա ԱՄՆ-ի ցանկացած հարձակում անպատասխան չի մնա, զգուշացրել, որ պատասխանը շատ ավելի հուրժկու կլինի, քան ծովում ամերիկյան նավերի վրա հարձակումը: «Ռուսաստանի Դաշնությունը հունվարի 12-ին ՄԱԿ-ի Անվտանգության խորհրդի հրատապ նիստ է պահանջել՝ կապված Եմենի վրա ԱՄՆ-ի և Մեծ Բրիտանիայի հարվածների հետ»,- ասվում է ՄԱԿ-ի Մշտական առաքելության Telegram ալիքում։
