Ադրբեջանցիները Սյունիքում հարվածել, ձիուց վայր են գցել հովիվին, հափշտակել են բջջային հեռախոսը, գողացել են 42 խոշոր եղջերավոր կենդանի և 2 ձի
«Այնուհետեև 65-ամյա հովիվի հասցեին հնչեցրել են սեռական բնույթի հայհոյանքներ, պահանջել են, որ այլևս այդ արոտավայրում կենդանիներ չարածեցնեն: Հովիվը պնդել է, որ այդ արոտավայրերն Արավուս գյուղինն են, գտնվում են ՀՀ տարածքում և իրենք շարունակելու են այդ վայրերում արածեցնել իրենց կենդանիներին: Ի պատասխան՝ ադբեջանական զինծառայողները զենքի ցուցադրումով հովիվներին տվել են կյանքի դեմ ուղղված սպառնալիքներ, նրանցից մեկը բռնել է Արավուսի 65-ամյա բնակիչ հովիվին ականջներից և փորձել է գլխով հարվածել նրան: Դրանից հետո, իրենց հետ տարել են 42 խոշոր եղջերավոր կենդանիներին, 2 ձին, հովիվներից մեկի բջջային հեռախոսը»,-նշված է ՄԻՊ զեկույցում:
