Վրացի բժիշկները կորոնավիրուսի դեմ պատվաստման արշավի մեկնարկից ի վեր գրանցել են լիովին պատվաստված մարդկանց երեք մահ: Այս մասին հայտարարել է հանրապետության առողջապահության նախարարության հիվանդությունների վերահսկման և հանրային առողջության ազգային կենտրոնի գլխավոր տնօրեն Ամիրան Գամկրելիձեն:
«Ցավոք, մենք երեք մահ ունենք երկու անգամ պատվաստված մարդկանց շրջանում», – ասել է Գամկրելիձեն լրագրողներին:
Հանրապետությունում լիովին պատվաստված անձի առաջին մահը գրանցվել է օգոստոսի 23-ին, հայտնում է ՏԱՍՍ-ը: Հիվանդությունների վերահսկման ազգային կենտրոնի ղեկավարը չի հայտնել, թե մահացածները որ պատվաստանյութով էին պատվաստվել:
Մարտի 15-ից Վրաստանը բնակչությանը պատվաստում է AstraZeneca-ի, Pfizer-ի, Sinopharm-ի և Sinovac Biotech-ի պատվաստանյութերով:
