Ռուսաստանի Դաշնության պաշտպանության նախարարությունը հայտնում է, որ ռուս խաղաղապահների ուղեկցությամբ Հայաստանի Հանրապետության տարածքից Լեռնային Ղարաբաղ են վերադարձել ավելի քան 800 փախստականներ։«Ավտոբուսներով Երևանից Ստեփանակերտ է տեղափոխվել 825 մարդ: Ավտոբուսներին ուղեկցել են Ռուսաստանի խաղաղապահ զորակազմը և ռազմական ոստիկանությունը։ Ռուս խաղաղապահները շուրջօրյա դիտարկում են անցկացնում և 23 դիտակետերում վերահսկում են հրադադարի ռեժիմի պահպանումը»,- ասված է պաշտպանության նախարարության հաղորդագրության մեջ:Ընդհանուր առմամբ, ավելի քան 38300 փախստականներ արդեն վերադարձել են Լեռնային Ղարաբաղ՝ իրենց մշտական բնակության վայրեր:
Yerkir.am
